ಆಲ್ದೂರು ತೋಟಗಾರಿಕಾ ತೋಟಗಾರಿಕಾ ರೈತ ಉತ್ಪಾದಕ ಕಂಪನಿ ನೂತನ ನಿರ್ದೇಶಕರುಗಳ ಸಭೆ….
1 min read
ಆಲ್ದೂರು ತೋಟಗಾರಿಕಾ ತೋಟಗಾರಿಕಾ ರೈತ ಉತ್ಪಾದಕ ಕಂಪನಿ ನೂತನ ನಿರ್ದೇಶಕರುಗಳ ಸಭೆ
ಕಂಪೆನಿಯ ವ್ಯವಹಾರಕ್ಕೆ ಸ್ಪಂದಿಸದಿರುವ ನಿರ್ದೇಶಕರುಗಳನ್ನು ವಜಾ ಗೊಳಿಸಲು ಸಭೆಯಲ್ಲಿ ನಿರ್ಧಾರ
ಆಲ್ದೂರು: ಪಟ್ಟಣದ ಸಮೀಪದ ಆಲ್ದೂರು ತೋಟಗಾರಿಕಾ ರೈತ ಉತ್ಪಾದಕರ ಕಂಪನಿ ಲಿಮಿಟೆಡ್ ಕಾರ್ಯಾಲಯದಲ್ಲಿ ನೂತನವಾಗಿ ಆಯ್ಕೆಯಾಗಿರುವ ಆಡಳಿತ ಮಂಡಳಿಯ ನಿರ್ದೇಶಕರುಗಳ ಸಭೆ ಮಂಗಳವಾರ ನಡೆಯಿತು.
ಸಭೆಯಲ್ಲಿ ಕಂಪನಿಯ ಗೊಬ್ಬರ ಖರೀದಿ, ಇನ್ನಿತರ ವ್ಯವಹಾರಗಳನ್ನು ನಡೆಸಲು ನಿರ್ದೇಶಕರುಗಳ ಸಹಿ ಖಾತೆ ಬದಲಾವಣೆಗೂ ಅವಶ್ಯಕತೆ ಇದ್ದು, ಇದರ ಕುರಿತು 4 ಬಾರಿ ಸಭೆ ಕರೆದರು ನಿರ್ದೇಶಕರುಗಳಾದ ಎಚ್‌ಟಿ ಗುರುನಾಥ್ ಹುಕ್ಕುಂದ, ಹೆಚ್ ಎಂ ನಾಗೇಶ್, ಸಿ ಎಸ್ ಬೈರೇಗೌಡ, ಸಭೆಗೆ ಹಾಜರಾಗದೆ ನಿರ್ಣಯ ಪುಸ್ತಕಕ್ಕೆ ಸಹಿ ಹಾಕದೆ ಹಾರೈಕೆ ಉತ್ತರಗಳನ್ನು ನೀಡುತ್ತಾ ಬಂದಿದ್ದು, ಈ ವಿದ್ಯಮಾನದಿಂದ ಕಂಪನಿಯ ಮೂಲಕ ರೈತರಿಗೆ ಪುನರ್ ಸೇವೆ ನೀಡಲು ಸಮಸ್ಯೆ ಉಂಟಾಗಿದೆ. ರೈತರಿಗೆ ದೊರೆಯುವ ಸಾಕಷ್ಟು ರಿಯಾಯಿತಿ ಸವಲತ್ತುಗಳನ್ನು ಒದಗಿಸಲು ಸಾಧ್ಯವಾಗುತ್ತಿಲ್ಲ.
ಇದರಿಂದ ಕಂಪನಿಯ ಷೇರುದಾರರಿಗೂ
ದ್ರೋಹವೆಸಗಿದ್ದಾರೆ. ಆದ್ದರಿಂದ ಮಂಗಳವಾರ ಕಂಪನಿಯ ನೂತನ ಅಧ್ಯಕ್ಷರಾದ ಎಎಚ್ ರುದ್ರೇಗೌಡರ ಅಧ್ಯಕ್ಷತೆಯಲ್ಲಿ
ಮತ್ತು ನೂತನ ಹೊಸ ನಿರ್ದೇಶಕರುಗಳ ಉಪಸ್ಥಿತಿಯಲ್ಲಿ ಕಂಪನಿಯ ಮೂಲಕ ವ್ಯಾಪಾರ ವ್ಯವಹಾರ ವಹಿವಾಟು ನಡೆಸಲು ತೊಡಕಾಗಿರುವ ಸಹಕಾರ ನೀಡದಿರುವ ಮೇಲಿನ ನಿರ್ದೇಶಕರುಗಳನ್ನು ಷೇರುದಾರರಿಗೂ ಸರ್ವಾನು ಮತದೊಂದಿಗೆ ಉಚ್ಛಾಟಿಸಲಾಗಿದೆ ಎಂದು ಸಭೆಯಲ್ಲಿ ನಿರ್ಧರಿಸಲಾಗಿದೆ ಎಂದು ಕಂಪನಿಯ ಪದಾಧಿಕಾರಿಗಳು ಮಾಹಿತಿ ನೀಡಿದರು.
ಸಭೆಯಲ್ಲಿ ನಿರ್ದೇಶಕರುಗಳಾದ ಡಿಬಿ ಈಶ್ವರ್, ಎಸ್ ಟಿ, ನಾರಾಯಣ ಆಚಾರ್ಯ,
ಡಿ ಏನ್ ನಟೇಶ್, ಪಿಡಿ ಮನು, ಕೆಎಚ್ ಶಿವಕುಮಾರ್, ಡಿಆರ್ ರವೀಂದ್ರ, ಎಚ್‌ಜಿ ಗೋಪಾಲ್ ಗೌಡ, ಸಿಇಒ ಅಮಿತಾ ರಾಜೀವ್ ಭಾಗವಹಿಸಿದ್ದರು.
About Author
