लाइव कैलेंडर

November 2026
M T W T F S S
 1
2345678
9101112131415
16171819202122
23242526272829
30  
16/11/2026

AVIN TV Latest Breaking News

ಇತ್ತೀಚಿನ ಬಿಸಿ ಬಿಸಿ ಸುದ್ದಿ ಅವಿನ್ ಟಿವಿ ಸುದ್ದಿ ನಿಮ್ಮದು ಪ್ರಸಾರ ನಮ್ಮದು Avin Tv the news is yours the broadcast is ours.

ಬಸವಣ್ಣ ಎಂದರೆ ಗೋವುಗಳಲ್ಲ , ಎತ್ತುಗಳಲ್ಲ ಕಾಣಿರೊ ಅಯೊಗ್ಯರೆ. #avintvcom

1 min read
Featured Video Play Icon

ಬಸವಣ್ಣ ಎಂದರೆ ಗೋವುಗಳಲ್ಲ , ಎತ್ತುಗಳಲ್ಲ ಕಾಣಿರೊ ಅಯೊಗ್ಯರೆ.

ಈ ಜಗದ ಮೊದಲ ಬೆಳಕು ಗೌತಮ ಬುದ್ಧರ ನಂತರ ಭಾರತದ ಅಸಮಾನ ವ್ಯವಸ್ಥೆ ಮತ್ತು ಕಂದಾಚಾರ ಮೂಡನಂಬಿಕೆಗಳ ವಿರುದ್ಧ ಬಂಡಾಯ ಕ್ರಾಂತಿಕಾರಿಯನ್ನು ಹೂಡಿದ ಕಾಯಕ,
ದಾಸೋಹ,
ಪರಿಶುದ್ಧ ಶಿವಭಕ್ತಿ ಹಾಗೂ ಪಂಚಾಚಾರಗಳಾಧಾರಿತ ಅನುಭಾವ ತತ್ವಗಳ ಮುಖೇನ ಹೊಸ ಯುಗವನ್ನ ಸೃಷ್ಟಿಸಿ. ಮಾನವ ಸಮಾಜಕ್ಕೆ ಘನತೆ, ಸ್ವಾಭಿಮಾನ ಮತ್ತು ಗೌರವವನ್ನು ತಂದುಕೊಟ್ಟ ಮಹಾ ಸಾದಕ ಸುಧಾರಕ. ಸನ್ಮಾನ ದೊಡ್ಡದಲ್ಲ, ಸಂಸ್ಕಾರ ದೊಡ್ಡದು,
ಹಣ ದೊಡ್ಡದಲ್ಲ ಗುಣ ದೊಡ್ಡದು,
ಎಂದು ನುಡಿದಂತೆ ನಡೆದ, ನಡೆದಂತೆ ನುಡಿದ ಕಾಯಕ ಯೋಗಿ.
ಸಗಣಿಯ ಬೆನಕನ ಮಾಡಿ ಸಂಪಿಗೆಯರಳಲ್ಲಿ
ಪೂಜಿಸಿದರೆ ರಂಜನೆಯಹುದಲ್ಲದೆ, ಅದರ ಗಂಜಳ ಬಿಡದಣ್ಣ!
ಮಣ್ಣ ಪ್ರತಿಮೆಯ ಮಾಡಿ ಮಜ್ಜನಕ್ಕೆರೆದರೆ
ನಿಚ್ಚ ಕೆಸರಹುದಲ್ಲದೆ ಅದರಚ್ಚಿಗ ಬಿಡದಣ್ಣ!!
ಲೋಕದ ಮಾನವಂಗೆ ಶಿವದೀಕ್ಷೆಯ ಕೊಟ್ಟರೆ
ಆ ಕೆಟ್ಟವನೇಕೆ ಸದ್ಭಕ್ತನಹನು ಕೂಡಲಸಂಗಮದೇವಾ.?
ಇಂತಹ ಬಸವಣ್ಣ ಹುಟ್ಟಿದ ದಿನವನ್ನ ಗೋವುಗಳ ಪೂಜೆಗೆ ಸೀಮಿತ ಮಾಡುವುದು ಬೇಡ. ಬಸವ ಜಯಂತಿ ಎಂದರೆ ದನಗಳ ಪೂಜೆ ಅಥವಾ ದನಗಳ ಹಬ್ಬ ಅಲ್ಲ. ಮನುವಾದಿಗಳು ಬಸವಣ್ಣನವರನ್ನು ಅವಮಾನಿಸಲೆಂದು ಮತ್ತು ಇತಿಹಾಸದ ಪುಟಗಳಲ್ಲಿ ಹಾಗೂ ಜನರ ಮನದಲ್ಲಿ ಅಚ್ಚೆಯಾಗಿ ಉಳಿದಿರುವ ಬಸವಣ್ಣನವರ ಹೆಸರನ್ನು ಅಳಿಸುವ ಸಲುವಾಗಿ ಬಸವ ಎಂದರೆ ದನ ಎಂದು ಹೋಲಿಕೆ ಮಾಡಿ ಮುಗ್ದ ಜನರಿಗೆ ಅಪಪ್ರಚಾರ ಮಾಡಲಾಗಿದೆ.
ದಯವಿಟ್ಟು ಯಾರು ಕೂಡ ಬಸವ ಜಯಂತಿಯ ದಿನ ಈ ರೀತಿ ದನಗಳನ್ನು ಪೂಜೆ ಮಾಡಿ ಜಗಜ್ಯೋತಿ ಬಸವಣ್ಣನವರಿಗೆ ಅವಮಾನ ಮಾಡಬೇಡಿ. ವಚನವೆಂಬ ನೀರಿನಿಂದ ಮನಸ್ಸಿಗೆ ಮಜ್ಜನವ ಮಾಡಿಸಿ ಬಸವಣ್ಣನವರನ್ನ ನಮ್ಮ ಮನಸಿನಲ್ಲಿರಿಸಿ ನಮಿಸೋಣ,
ಮತ್ತು ಅವರನ್ನೇ ಪಾಲಿಸೋಣ.
ನಮಗೆ ಪಟ್ಟಭದ್ರ ಹಿತಾಸಕ್ತಿಗಳು ಸೃಷ್ಟಿಸಿದ ಬಸವೇಶ್ವರ ಸ್ಪೂರ್ತಿಯಾಗಬಾರದು, ಮನಸ್ಸಿನ ಬಣ್ಣವ ತೊಳೆದು ನೈಜ ಜೀವನದ ಮಾರ್ಗವ ತೋರಿದ ಕ್ರಾಂತಿಕಾರಿ ಅಣ್ಣ ಬಸವಣ್ಣನೇ ನಮಗೆ ಸ್ಪೂರ್ತಿ ಯಾಗಬೇಕು. ಮನುವಾದಿಗಳು ಸೃಷ್ಟಿಸಿದ ಗೊಡ್ಡು ಸಂಪ್ರದಾಯಗಳನ್ನ ಅಟ್ಟಾಡಿಸಿದ, ಕಾಯಕ ತತ್ವವನ್ನು ಇಡೀ ವಿಶ್ವಕ್ಕೆ ಸಾರಿದ, ಶೋಷಣೆ ರಹಿತ, ಸಮಾನತೆಯ ಸಮಾಜದ ಸೃಷ್ಟಿಗಾಗಿ ಹೋರಾಡಿದ ಸಾಮಾಜಿಕ ಹರಿಕಾರ,
ಭಕ್ತಿ ಭಂಡಾರಿ ಬಸವಣ್ಣ ನಿಮ್ಮ ಹುಟ್ಟುಹಬ್ಬದವಿಂದು ನಿಮಗೆ ಮನಪೂರ್ವಕ ಪ್ರಣಾಮಗಳು.

ಸಮಸ್ತ ಜನತೆಗೆ ಜಗಜ್ಯೋತಿ ಬಸವಣ್ಣನವರ ಹುಟ್ಟುಹಬ್ಬದ ಶುಭಾಶಯಗಳು.

ಜೈ ಬುದ್ಧ, ಜೈ ಬಸವಣ್ಣ, ಜೈ ಭೀಮ್

ವಸಂತ.

ವರದಿ.
ಮಗ್ಗಲಮಕ್ಕಿಗಣೇಶ್.
ಬ್ಯೂರೋ ನ್ಯೂಸ್.

Career | job

Navachaitanya Old Age Home

About Author

More Stories

You may have missed