ಚಕ್ಕುಡಿಗೆ ಜಪ್ಪದಕಲ್ಲು ರೆಸಾರ್ಟ್ ದಶಮಾನೋತ್ಸವ ; ವಿವಿಧ ಕ್ಷೇತ್ರಗಳ ಸಾಧಕರಿಗೆ ಸನ್ಮಾನ, ಅನ್ನ ಮತ್ತು ಅಮ್ಮನ ಋಣ ಬಹು ಶ್ರೇಷ್ಟವಾದುದು : ಹಿರಿಯ ಚಿತ್ರ ನಟ ದೊಡ್ಡಣ್ಣ..

‎ಮೂಡಿಗೆರೆ : ಚಕ್ಕುಡಿಗೆ ಜಪ್ಪದಕಲ್ಲು ರೆಸಾರ್ಟ್ ದಶಮಾನೋತ್ಸವ ; ವಿವಿಧ ಕ್ಷೇತ್ರಗಳ ಸಾಧಕರಿಗೆ ಸನ್ಮಾನ, ಅನ್ನ ಮತ್ತು ಅಮ್ಮನ ಋಣ ಬಹು ಶ್ರೇಷ್ಟವಾದುದು : ಹಿರಿಯ ಚಿತ್ರ ನಟ ದೊಡ್ಡಣ್ಣ..

ಮೂಡಿಗೆರೆ ತಾಲ್ಲೂಕು ಗೋಣಿಬೀಡು ಹೋಬಳಿ ಚಕ್ಕುಡಿಗೆ ಗ್ರಾಮದ ಜಪ್ಪದಕಲ್ಲು ರೆಸಾರ್ಟ್ ನ ಹತ್ತನೇ ವರ್ಷದ ವಾರ್ಷಿಕೋತ್ಸವದ ಪ್ರಯುಕ್ತ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ವಿವಿಧ ಕ್ಷೇತ್ರಗಳ ಸಾಧಕರನ್ನು ಸನ್ಮಾನಿಸಿ ಗೌರವಿಸಲಾಯಿತು.

‎ಕಾರ್ಯಕ್ರಮದಲ್ಲಿ ಮುಖ್ಯ ಆಕರ್ಷಣೆಯಾಗಿ ಭಾಗವಹಿಸಿದ್ದ ಹಿರಿಯ ಚಿತ್ರ ನಟ ದೊಡ್ಡಣ್ಣ ಅವರು ಮಾತನಾಡಿ ; ಅನ್ನ ಮತ್ತು ಅಮ್ಮನ ಋಣ ಬಹು ಶ್ರೇಷ್ಟವಾದುದು. ನಮ್ಮ ತಂದೆ ತಾಯಿಗಳನ್ನು ಚೆನ್ನಾಗಿ ನೋಡಿಕೊಳ್ಳಬೇಕು. ತಂದೆ ತಾಯಿಗಳ ಮನಸ್ಸನ್ನು ನೋಯಿಸಿದರೆ ನಮಗೆ ಎಂದಿಗೂ ಒಳ್ಳೆಯದಾಗುವುದಿಲ್ಲ. ಹಾಗೆಯೇ ಅನ್ನವಿಲ್ಲದೇ ಯಾರೂ ಬದುಕಲು ಸಾಧ್ಯವಿಲ್ಲ. ಅನ್ನ ಹಾಕಿದವರನ್ನು, ನಮಗೆ ಸಹಾಯ ಮಾಡಿದವರನ್ನು ಸದಾ ನೆನಪಿನಲ್ಲಿಟ್ಟುಕೊಳ್ಳಬೇಕು. ಅನ್ನವನ್ನು ವ್ಯರ್ಥ ಮಾಡಬಾರದು, ಎಷ್ಟು ಬೇಕೋ ಅಷ್ಟನ್ನು ಹಾಕಿಸಿಕೊಂಡು ಊಟಮಾಡಬೇಕು ಎಂದು ಕಿವಿಮಾತು ಹೇಳಿದರು.

‎ಜಪ್ಪದಕಲ್ಲು ರೆಸಾರ್ಟ್ ಗೆ ನಾನು ಹಲವು ಬಾರಿ ಬಂದಿದ್ದೇನೆ. ಇಲ್ಲಿನ ವ್ಯವಸ್ಥೆ ಬಹಳ ಅಚ್ಚುಕಟ್ಟಾಗಿದ್ದ, ರುಚಿಕಟ್ಟು ಮತ್ತು ಶುದ್ಧವಾದ ಊಟ, ನದಿತಟದ ಸುಂದರ ಪರಿಸರ, ರೆಸಾರ್ಟ್ ಮಾಲೀಕ ನೇಮಿರಾಜ್ ಅವರ ಆತಿಥ್ಯ ಎಲ್ಲವೂ ನನಗೆ ಖುಷಿ ನೀಡಿದೆ ಎಂದರು.

ಸಕಲೇಶಪುರ ಮಾಜಿ ಶಾಸಕ ಹೆಚ್.ಎಂ. ವಿಶ್ವನಾಥ್ ಅವರು ಮಾತನಾಡಿ; ಕಾಫಿ ನಾಡಿನ ಜನರು ಕಾಫಿ ಕೃಷಿಯ ಜೊತೆಗೆ ಪರ್ಯಾಯ ಆದಾಯ ಮಾರ್ಗಗಳನ್ನು ಕಂಡುಕೊಳ್ಳಬೇಕು. ಇತ್ತೀಚೆಗೆ ಮಲೆನಾಡಿನ ಕಡೆಗೆ ಪ್ರವಾಸಿಗರು ದೊಡ್ಡ ಸಂಖ್ಯೆಯಲ್ಲಿ ಬರುತ್ತಿದ್ದು, ಇಲ್ಲಿ ಹೋಂ ಸ್ಟೇ, ರೆಸಾರ್ಟ್ ಉದ್ಯಮ ಸ್ಥಾಪನೆ ಮಾಡಿ ಜನರು ಆರ್ಥಿಕ ಅಭಿವೃದ್ಧಿ ಕಾಣುತ್ತಿದ್ದು, ಉತ್ಸಾಹಿ ಯುವಕರು ಈ ನಿಟ್ಟಿನಲ್ಲಿ ಹೆಚ್ಚು ಆಸಕ್ತಿಯಿಂದ ತೊಡಗಿಸಿಕೊಳ್ಳಬೇಕು. ಜಪ್ಪದಕಲ್ಲು ರೆಸಾರ್ಟ್ ಮಾಲೀಕ ನೇಮಿರಾಜ್ ಅವರು ಚಿಕ್ಕದಾಗಿ ಪ್ರಾರಂಭಿಸಿದ್ದ ಹೋಂ ಸ್ಟೇ ಈಗ ಏಕಕಾಲದಲ್ಲಿ ಸುಮಾರು 180 ಜನರು ಉಳಿದುಕೊಳ್ಳಲು ವ್ಯವಸ್ಥೆ ಇರುವ ರೆಸಾರ್ಟ್ ಆಗಿ ಪರಿವರ್ತನೆ ಮಾಡಿದ್ದಾರೆ. ಇದಕ್ಕೆ ಅವರ ಮತ್ತು ಅವರ ಪತ್ನಿ ಶ್ರೀಮತಿ ಭಾಗ್ಯ ಹಾಗೂ ಅವರ ಶ್ರದ್ಧೆ, ಪರಿಶ್ರಮ, ಆತಿಥ್ಯ ಪ್ರಮುಖ ಎಂದರು.

‎ಮೂಡಿಗೆರೆ ತಾಲ್ಲೂಕು ಗೋಣಿಬೀಡು ಹೋಬಳಿ ಚಕ್ಕುಡಿಗೆ ಗ್ರಾಮದ ಜಪ್ಪದಕಲ್ಲು ರೆಸಾರ್ಟ್ ನ ಹತ್ತನೇ ವರ್ಷದ ವಾರ್ಷಿಕೋತ್ಸವದ ಪ್ರಯುಕ್ತ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ವಿವಿಧ ಕ್ಷೇತ್ರಗಳ ಸಾಧಕರನ್ನು ಸನ್ಮಾನಿಸಿ ಗೌರವಿಸಲಾಯಿತು.