ನಿನ್ನೆಯ ಈ ಇಳಿ ಸಂಜೆ ಹೊತ್ತಿನ ಆ ದೊರದ ಬಾನಂಗಳದಲ್ಲಿ ಮೂಡಿದನು ಉಗಾದಿಯ ಚಂದಮಾಮ….
1 min read
ಅವಿನ್ ಟಿವಿ ಸುದ್ದಿಜಾಲ ✍️: ನಿನ್ನೆಯ ಈ ಇಳಿ ಸಂಜೆ ಹೊತ್ತಿನ ಆ ದೊರದ ಬಾನಂಗಳದಲ್ಲಿ ಮೂಡಿದನು ಉಗಾದಿಯ ಚಂದಮಾಮ.
ಮಂಗಳನನ್ನು ಅಣ್ಣ ಎಂದು, ಸೂರ್ಯನನ್ನು ತಂದೆ ಎಂದು, ಚಂದ್ರನನ್ನು ಮಾಮ ಎಂದು ಕರೆಯುತ್ತಾರೆ ನಮ್ಮ ಹಳ್ಳಿಗರು, ಯಾಕೆ ಗೊತ್ತಾ?
ಮಾಮ ಎಂದರೆ ಅಮ್ಮನ ತಮ್ಮ ಎಂದು ಅರ್ಥ.
ಈ ಕಾಲಘಟ್ಟದ ಎಷ್ಟು ಮಕ್ಕಳಿಗೆ ಸಮೃದ್ಧವಾದ ಬಾಲ್ಯ ಸಿಕ್ಕಿದೆಯೋ ಇಲ್ಲವೋ ಗೊತ್ತಿಲ್ಲ.
ಆದರೆ,ಅಂದು ನಾವು ಎಳೆಯವರಿದ್ದಾಗ ಅನ್ನಕ್ಕೆ ಉಪ್ಪು ತುಪ್ಪ ಹಾಕಿ ಕಲಸಿ ಚಂದಮಾಮನ ಕಡೆ ಬೆರಳು ಮಾಡಿ ತೋರಿಸಿ ಮುತ್ತಿಟ್ಟು ತುತ್ತು ಕೊಡುತ್ತಿದ್ದ ಅಮ್ಮನ ಪ್ರೀತಿಗೆ ಅಮ್ಮನೇ ಸಾಟಿಯಾಗಿದ್ದಳು.
ಹಾಗಾಗಿ ಆ ಚಂದ ನಮ್ಮ ಅಮ್ಮನ ತಮ್ಮ ಆದ ಕಾರಣ ಅವನನ್ನು ಚಂದಮಾಮ ಎಂದು ಇಂದಿಗೂ ಕರೆಯುತ್ತೇವೆ.
ಇಂದು ಯುಗಾದಿಯ ಆ ಚಂದಮಾಮನ ದರ್ಶನ ಮಾಡಿ, ಬೇವು ಬೆಲ್ಲ ಪರಸ್ಪರ ವಿನಿಮಯ ಮಾಡಿ, ಕಿರಿಯರೆಲ್ಲ ಹಿರಿಯರಿಗೆ ಕಾಲಿಗೆ ಬಿದ್ದು ಆಶೀರ್ವಾದ ಪಡೆಯುವ ಸಂಸ್ಕೃತಿ ಸಂಪ್ರದಾಯ ಇಂದಿಗೂ ನಮ್ಮ ಹಳ್ಳಿಯಲ್ಲಿ ಜಾರಿಯಲ್ಲಿದೆ.
•••••••••••••
ಡಿ ಎಂ ಮಂಜುನಾಥಸ್ವಾಮಿ
ಅವಿನ್ ಟಿವಿ ಸುದ್ದಿಜಾಲ ….. ✒️
ಚಿಕ್ಕಮಗಳೂರು
About Author
