*PDO ಹುದ್ದೆಗೆ ಅರ್ಜಿ* *ಸಲ್ಲಿಸಿದವರಲ್ಲಿ ಅರ್ಧದಷ್ಟು ಅಭ್ಯರ್ಥಿಗಳು ಪರೀಕ್ಷೆಯನ್ನೇ ಬರೆದಿಲ್ಲ!*
1 min read
*PDO ಹುದ್ದೆಗೆ ಅರ್ಜಿ*
*ಸಲ್ಲಿಸಿದವರಲ್ಲಿ ಅರ್ಧದಷ್ಟು ಅಭ್ಯರ್ಥಿಗಳು ಪರೀಕ್ಷೆಯನ್ನೇ ಬರೆದಿಲ್ಲ!*
ಯಾವುದೇ ಸರ್ಕಾರಿ ಹುದ್ದೆಗಳಿಗೆ ಇಂದು ಹಿಂದೆಂದಿಗಿಂತಲೂ ಹೆಚ್ಚು ಸ್ಪರ್ಧೆ ಏರ್ಪಟ್ಟಿದೆ. ಅದರಲ್ಲೂ ಪದವಿ ಅರ್ಹತೆಯ ಹುದ್ದೆಗಳಿಗೆ ಸದಾ ಸ್ಪರ್ಧಾತ್ಮಕ ಅಭ್ಯರ್ಥಿಗಳ ಸಂಖ್ಯೆ ಹೆಚ್ಚಾಗೆ ಇರುತ್ತದೆ. ಆದರೆ ನಿನ್ನೆ ನಡೆದ ಪರೀಕ್ಷೆಯನ್ನು ಗಮನಿಸುವುದಾದರೆ ಒಂದು ಅಚ್ಚರಿಯೇ ಎನಿಸುತ್ತದೆ. ಕಾರಣ ಅರ್ಜಿ ಸಲ್ಲಿಸಿದವರ ಪೈಕಿ ಅರ್ಧದಷ್ಟು ಅಭ್ಯರ್ಥಿಗಳು ಪರೀಕ್ಷೆಯನ್ನೇ ಬರೆದಿಲ್ಲ.
ಹೌದು ಕಳೆದ ಮಾರ್ಚ್‌-ಏಪ್ರಿಲ್‌ನಲ್ಲಿ ಕರ್ನಾಟಕ ಲೋಕಸೇವಾ ಆಯೋಗವು ಗ್ರಾಮ ಪಂಚಾಯ್ತಿ ಅಭಿವೃದ್ಧಿ ಅಧಿಕಾರಿಗಳ ಹುದ್ದೆಗಳಿಗೆ ಅಧಿಸೂಚನೆ ನಡೆಸಿತ್ತು. ಅವುಗಳ ಪೈಕಿ ಸದರಿ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಿದವರ ಪೈಕಿ ಉಳಿಕೆ ಮೂಲ ವೃಂದದ (ನಾನ್‌ ಹೆಚ್‌ಕೆ) 150 ಹುದ್ದೆಗಳಿಗೆ ಸ್ಪರ್ಧಾತ್ಮಕ ಪರೀಕ್ಷೆಯನ್ನು ಡಿಸೆಂಬರ್ 08 ರಂದು ರಾಜ್ಯದಾದ್ಯಂತ ವಿವಿಧ ಕೇಂದ್ರಗಳಲ್ಲಿ ನಡೆಸಲಾಗಿದೆ. ಈ ಪರೀಕ್ಷೆಗೆ ಹಾಜರಾದವರ ಸಂಖ್ಯೆ ಈಗ ಅಚ್ಚರಿ ಮೂಡಿಸಿದೆ. ಕಾರಣ ಅರ್ಜಿ ಸಲ್ಲಿಸಿದವರ ಪೈಕಿ ಅರ್ಧದಷ್ಟು ಅಭ್ಯರ್ಥಿಗಳು ಪರೀಕ್ಷೆಗೆ ಹಾಜರಾಗಿಲ್ಲ. ಈ ಪರೀಕ್ಷೆಗೆ ಸಂಬಂಧಿತ ಅಂಕಿ ಅಂಶಗಳು ಕೆಳಗಿನಂತಿವೆ.
ಅರ್ಜಿ ಸಲ್ಲಿಸಿದವರ ಸಂಖ್ಯೆ: 3,86,099.
ಪರೀಕ್ಷೆ ಬರೆದವರ ಸಂಖ್ಯೆ: 2,02,702. (ಶೇಕಡ.52,5)
ಗೈರು ಉಳಿದವರ ಸಂಖ್ಯೆ: 1,83,397 (ಶೇಕಡ.47.5).
ಈ ಮೇಲಿನ ಡಾಟಾವನ್ನು ಗಮನಿಸಿ ನೋಡುವುದಾದಲ್ಲಿ 1 ಪಿಡಿಒ ಹುದ್ದೆಗೆ ಪ್ರತಿಶತ 1,352 ಅಭ್ಯರ್ಥಿಗಳು ಸ್ಪರ್ಧಾತ್ರಿಗಳಾಗಿದ್ದಾರೆ. ಒಂದು ವೇಳೆ ಈ ಹುದ್ದೆಗಳಿಗೆ ಅರ್ಜಿ ಸಲ್ಲಿಸಿದ ಎಲ್ಲರೂ ಪರೀಕ್ಷೆಗೆ ಹಾಜರಾಗಿದ್ದರೆ ಈ ಸ್ಪರ್ಧಾತ್ರಿಗಳ ಸಂಖ್ಯೆ 1,352 ರ ಎರಡು ಪಟ್ಟಾಗುತ್ತಿತ್ತು.
ಈಗ ಪಿಡಿಒ ಹುದ್ದೆಗೆ ಅರ್ಜಿ ಹಾಕಿ ಪರೀಕ್ಷೆ ಬರೆದವರಿಗೆ ಒಂದು ರೀತಿಯಲ್ಲಿ ಸ್ಪರ್ಧಾತ್ರಿಗಳ ಸಂಖ್ಯೆ ಕಡಿಮೆ ಆಗಿದ್ದು, ಅವರಿಗೆ ಒಂದು ರೀತಿ ಅನುಕೂಲವಾಗಿದೆ ಎಂದು ಭಾವಿಸಬಹುದಾಗಿದೆ. ಆದರೆ ಅರ್ಧದಷ್ಟು ಅಭ್ಯರ್ಥಿಗಳು ಪರೀಕ್ಷೆಗೆ ಹಾಜರಾಗದ ಕಾರಣ, ಆ ಎಲ್ಲಾ ಪ್ರಶ್ನೆಪತ್ರಿಕೆಗಳಿಗೆ, ಉತ್ತರ ಪತ್ರಿಕೆಗಳಿಗೆ ತಗುಲಿದ ವೆಚ್ಚವು ಒಂದು ರೀತಿ ನಷ್ಟವೇ. ಆದರೆ ಆ ಹಣವನ್ನು ಸಹ ರಾಜ್ಯದ ಜನತೆ, ಅಭ್ಯರ್ಥಿಗಳು ಅರ್ಜಿ ಶುಲ್ಕದ ರೀತಿಯಲ್ಲಿಯೇ ಬರಿಸಿದ್ದಾರೆ. ಪರೀಕ್ಷೆ ಬರೆಯಲು ಇಚ್ಛೆ ಇಲ್ಲದವರು ಏಕೆ ತೆರಿಗೆದಾರರ ಹಣ ನಷ್ಟ ಮಾಡುತ್ತಿದ್ದಾರೆ ಎಂದು ಹಲವು ಸಾರ್ವಜನಿಕರು ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಕೆಪಿಎಸ್‌ಸಿ ಸರ್ಕಾರದ ಆದೇಶದಂತೆ ಕಳೆದ ಮಾರ್ಚ್‌ನಲ್ಲಿ 150 ಉಳಿಕೆ ಮೂಲ ವೃಂದದ ಹಾಗೂ 97 ಹೈದೆರಾಬಾದ್ ಕರ್ನಾಟಕ ವೃಂದದ ಗ್ರೂಪ್‌ ಸಿ ಹುದ್ದೆಯಾದ ಗ್ರಾಮ ಪಂಚಾಯ್ತಿ ಅಭಿವೃದ್ಧಿ ಅಧಿಕಾರಿ ಹುದ್ದೆಗೆ ಅಧಿಸೂಚನೆ ನಡೆಸಿ, ಆಯ್ಕೆ ಪ್ರಕ್ರಿಯೆ ಕೈಗೊಂಡಿದೆ.
ಪಿಡಿಒ ಪರೀಕ್ಷೆ ಕೀ ಉತ್ತರಗಳು ಬಿಡುಗಡೆ ಯಾವಾಗ?
ಪ್ರಸ್ತುತ ಡಿಸೆಂಬರ್ 8 ರಂದು ಕೆಪಿಎಸ್‌ಸಿ ಈ ಪಿಡಿಒ ಹುದ್ದೆಗಳಿಗೆ ಪರೀಕ್ಷೆ ನಡೆಸಿದ್ದು, ತಾತ್ಕಾಲಿಕ ಕೀ ಉತ್ತರಗಳನ್ನು ಒಂದು ವಾರದೊಳಗೆ ಬಿಡುಗಡೆ ಮಾಡುವ ಸಾಧ್ಯತೆಗಳಿವೆ. ಈ ತಾತ್ಕಾಲಿಕ ಕೀ ಉತ್ತರಗಳಿಗೆ ಆಕ್ಷೇಪಣೆಯನ್ನು ಸ್ವೀಕಾರ ಮಾಡಿ, ನಂತರ ಅಂತಿಮ ಸರಿಯುತ್ತರಗಳನ್ನು ಸಹ ಬಿಡುಗಡೆ ಮಾಡಲಾಗುತ್ತದೆ.
About Author
