🌹Men’s Day🌹 *ಇಂದು ಅಂತಾರಾಷ್ಟ್ರೀಯ ಪುರುಷರ ದಿನ

November 2024
M	T	W	T	F	S	S
	1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28	29	30

🌹Men’s Day🌹
*ಇಂದು ಅಂತಾರಾಷ್ಟ್ರೀಯ ಪುರುಷರ ದಿನ*

ಪ್ರತಿ ವರ್ಷ ನವೆಂಬರ್ 19 ರಂದು ವಿಶ್ವದಾದ್ಯಂತ ಅಂತಾರಾಷ್ಟ್ರೀಯ ಪುರುಷರ ದಿನವನ್ನು ಆಚರಿಸಲಾಗುತ್ತದೆ. ಇವತ್ತು ಪುರುಷರಿಗೆಲ್ಲಾ ಸಂಭ್ರಮದ ದಿನ…

ಇವತ್ತು ಪುರುಷರೆಲ್ಲಾ ಇನ್ನಷ್ಟು ಸಂಭ್ರಮದಲ್ಲಿದ್ದಾರೆ. ಕಾರಣ, ಇವತ್ತು ಅಂತಾರಾಷ್ಟ್ರೀಯ ಪುರುಷರ ದಿನ. ಜಗತ್ತಿಗೆ ಮಹಿಳೆಯರ ಕೊಡುಗೆಯನ್ನು ಗೌರವಿಸುವ ಸಲುವಾಗಿ ಮಾರ್ಚ್ 8 ರಂದು ವಿಶ್ವದಾದ್ಯಂತ ಅಂತಾರಾಷ್ಟ್ರೀಯ ಮಹಿಳಾ ದಿನವನ್ನು ಆಚರಿಸಿದರೆ, ಪುರುಷರು ವಹಿಸುವ ಪ್ರಮುಖ ಪಾತ್ರಗಳನ್ನು, ನಿರ್ವಹಿಸುವ ಜವಾಬ್ದಾರಿಯನ್ನು, ತೋರಿಸುವ ಅಕ್ಕರೆಯನ್ನು ಗುರುತಿಸುವ ಸಲುವಾಗಿ ನವೆಂಬರ್ 19 ರಂದು ಪ್ರತಿವರ್ಷ ಅಂತಾರಾಷ್ಟ್ರೀಯ ಪುರುಷರ ದಿನವನ್ನು ಆಚರಿಸಲಾಗುತ್ತದೆ.

ಪುರುಷರಲ್ಲಿನ ಆದರ್ಶಗಳನ್ನು ಜಗತ್ತಿಗೆ ತೋರಿಸಲು ಮತ್ತು ಪುರುಷರು ಎದುರಿಸುತ್ತಿರುವ ನಾನಾ ಸಮಸ್ಯೆಗಳ ಬಗ್ಗೆ ಜಾಗೃತಿ ಮೂಡಿಸುವ ಸಲುವಾಗಿ ಈ ಆಚರಣೆ ಆರಂಭವಾಗಿತ್ತು. ಪುರುಷರ ಮಾನಸಿಕ ಆರೋಗ್ಯ, ಪುರುಷರ ಆತ್ಮಹತ್ಯೆ ತಡೆ ಸೇರಿದಂತೆ ಹಲವು ವಿಚಾರಗಳನ್ನಿಟ್ಟುಕೊಂಡು ಸುಮಾರು 70 ಕ್ಕೂ ಅಧಿಕ ದೇಶಗಳಲ್ಲಿ ಈ ದಿನವನ್ನು ಆಚರಿಸಲಾಗುತ್ತದೆ.

1969 ರಿಂದಲೇ ಈ ಆಚರಣೆಯ ಯೋಚನೆ ಇತ್ತು ಎಂಬ ಮಾತುಗಳೂ ಇವೆ. ಹೀಗೆ, ಹಲವು ವರ್ಷಗಳ ಯೋಚನೆ ಬಳಿಕ ನವೆಂಬರ್ 19 ರಂದು ಪುರುಷರ ದಿನವನ್ನು ಆಚರಿಸಬೇಕು ಎಂಬ ನಿರ್ಧಾರ ಕೈಗೊಳ್ಳಲಾಗಿತ್ತು. 1999 ರಲ್ಲಿ ಟ್ರಿನಿಡಾಡ್ ಮತ್ತು ಟೊಬಾಗೋದ ವೆಸ್ಟ್‌ ಇಂಡೀಸ್ ವಿಶ್ವವಿದ್ಯಾಲಯದ ಇತಿಹಾಸ ಪ್ರಾಧ್ಯಾಪಕ ಡಾ ಜೆರೋಮ್ ಟೀಲುಕ್ಸಿಂಗ್ ಈ ದಿನವನ್ನು ಆರಂಭಿಸಿದರು.

🌹 ಪುರುಷರ ದಿನದ ಉದ್ದೇಶ…
ಪುರುಷರ ಮತ್ತು ಅವರ ಆರೋಗ್ಯದ ಮೇಲೆ ಗಮನ ಕೇಂದ್ರೀಕರಿಸುವುದು ಹಾಗೂ ಜಾಗೃತಿ ಮೂಡಿಸುವುದು, ಲಿಂಗ ಅಸಮಾನತೆ ಹೋಗಲಾಡಿಸಿ, ಸಮಾನತೆಯ ಬಗ್ಗೆ ಅರಿವು ಮೂಡಿಸುವುದು, ಸಮಾಜಕ್ಕೆ ಪುರುಷರ ಸಕಾರಾತ್ಮಕ ಕೊಡುಗೆಗಳನ್ನು ಗೌರವಿಸುವುದು, ಸುರಕ್ಷಿತ ಹಾಗೂ ಉತ್ತಮ ಸಮಾಜವನ್ನು ನಿರ್ಮಿಸುವುದು.
ಹೀಗೆ ಹಲವು ಧ್ಯೇಯೋದ್ದೇಶದಿಂದ ಈ ದಿನದ ಆಚರಣೆ ಆರಂಭವಾಗಿತ್ತು. ಆರಂಭದಲ್ಲಿ ಕೆಲವೇ ಕೆಲವು ದೇಶಗಳಲ್ಲಿ ಮಾತ್ರ ಇದ್ದ ಈ ಆಚರಣೆ ಈಗ ವಿಶ್ವದಾದ್ಯಂತ ಹಲವು ರಾಷ್ಟ್ರಗಳಲ್ಲಿ ನಡೆಯುತ್ತದೆ.

🌹 ಎಲ್ಲಾ ಪುರುಷರಿಗೂ ಅಂತಾರಾಷ್ಟ್ರೀಯ ಪುರುಷರ ದಿನದ ಶುಭಾಶಯಗಳು …..
* ಪುರುಷ ತನ್ನ ಸಾಮರ್ಥ್ಯವನ್ನು ತೋರಿಸಲು ದೈಹಿಕ ಬಲ ಬಳಸಬೇಕೆಂದಿಲ್ಲ. ಬದುಕಿನಲ್ಲಿ ಎದುರಾಗುವ ಸವಾಲುಗಳನ್ನು ಧೈರ್ಯದಿಂದ ಎದುರಿಸಿದರೆ ಅಷ್ಟೇ ಸಾಕು.

🌹 ಪ್ರಮುಖ ವ್ಯಕ್ತಿಗಳ ಸಂದೇಶಗಳು…
* ನನ್ನ ಯಶಸ್ಸಿನ ಮೇಲೆ ನನ್ನನ್ನು ಅಳೆಯಬೇಡಿ. ಬದಲಾಗಿ ನಾನು ಎಷ್ಟು ಬಾರಿ ಬಿದ್ದೆ ಮತ್ತು ಎಷ್ಟು ಬಾರಿ ಮೇಲೆದ್ದೆ ಎಂಬುದರ ಮೇಲೆ ನಾನು ಏನೆಂಬುದು ನಿರ್ಣಯಿಸಿ – ನೆಲ್ಸನ್ ಮಂಡೇಲಾ.
* ಗಂಡಾಗುವುದು ಜನ್ಮದ ವಿಚಾರ. ಪುರುಷನಾಗುವುದು ವಯಸ್ಸಿನ ವಿಚಾರ. ಆದರೆ, ಸಂಭಾವಿತನಾಗಿರುವುದು ಆಯ್ಕೆಯ ವಿಷಯ – ವಿನ್ ಡೀಸೆಲ್
* ಯಶಸ್ವಿ ಮನುಷ್ಯನಾಗುವುದಕ್ಕಿಂತಲೂ, ಮೌಲ್ಯಯುತ ವ್ಯಕ್ತಿಯಾಗಲು ಪ್ರಯತ್ನಿಸಿ – ಆಲ್ಬರ್ಟ್ ಐನ್‌ಸ್ಟೈನ್