ರಸ್ತೆ ಬ್ರಹತ್ ಗುಂಡಿಯಲ್ಲಿ ಮೀನು ಹಿಡಿದು ಬಿಜೆಪಿ ವಿನೂತನ ಪ್ರತಿಭಟನೆ……
1 min read
ರಸ್ತೆ ಬ್ರಹತ್ ಗುಂಡಿಯಲ್ಲಿ ಮೀನು ಹಿಡಿದು ಬಿಜೆಪಿ ವಿನೂತನ ಪ್ರತಿಭಟನೆ
ಮೂಡಿಗೆರೆ : ಗೋಣಿಬೀಡಿನ ಬಿಜೆಪಿ ಮಹಾಶಕ್ತಿ ಕೇಂದ್ರದ ವತಿಯಿಂದ ವಿನೂತನ ಪ್ರತಿಭಟನೆ ಹಮ್ಮಿಕೊಳ್ಳಲಾಗಿತ್ತು
ಇದು ರಸ್ತೆನಾ ?? ಅಥವಾ ಕೆರೆಯಾ??ರಸ್ತೆ ಮೇಲೆ ವಾಹನ ಓಡಬೇಕಿತ್ತು. ಆದರೆ ಇಲ್ಲಿ ರಸ್ತೆ ಗುಂಡಿಯಲ್ಲೇ ಮೀನು ಹಿಡಿಯುವ ಪರಿಸ್ಥಿತಿ!
ಗೋಣಿಬೀಡು ಹೋಬಳಿಯ ಗ್ರಾಮೀಣ ರಸ್ತೆಗಳ ದುಸ್ಥಿತಿಯನ್ನು ಖಂಡಿಸಿ ಗೋಣಿಬೀಡು ಬಿಜೆಪಿ ಅಧ್ಯಕ್ಷರಾದ ಭರತ್ ವಾಲೆಕರೆಟಿ ಅವರ ನೇತೃತ್ವದಲ್ಲಿ ಇಂದು ವಿನೂತನ ಪ್ರತಿಭಟನೆ ನಡೆಸಲಾಯಿತು.
ರಸ್ತೆಯ ಬೃಹತ್ ಗುಂಡಿಗಳಲ್ಲಿ ನೀರು ತುಂಬಿದ್ದನ್ನು ಕಂಡ ಪ್ರತಿಭಟನಾಕಾರರು, ಗಾಳ ಹಾಕಿ ಮೀನು ಹಿಡಿಯುವ ಮೂಲಕ ಸರ್ಕಾರದ ಗಮನ ಸೆಳೆದರು. ಈ ಮೂಲಕ ಗ್ರಾಮೀಣ ರಸ್ತೆಗಳ ದುಸ್ಥಿತಿಯನ್ನು ವಿಭಿನ್ನ ರೀತಿಯಲ್ಲಿ ಬಿಂಬಿಸಿದರು.
ರಸ್ತೆ ಗುಂಡಿಗಳಿಂದ ವಾಹನ ಸವಾರರು, ಶಾಲಾ ಮಕ್ಕಳು, ರೈತರು ಹಾಗೂ ಸಾರ್ವಜನಿಕರು ಪ್ರತಿನಿತ್ಯ ತೊಂದರೆ ಅನುಭವಿಸುತ್ತಿದ್ದಾರೆ. ಮಳೆ ಬಂದಾಗ ಗುಂಡಿಗಳಲ್ಲಿ ನೀರು ತುಂಬಿ ರಸ್ತೆಯೋ? ಕೆರೆಯೋ? ಎನ್ನುವುದೇ ತಿಳಿಯದಂತಾಗಿದೆ ಎಂದು ಪ್ರತಿಭಟನಾ ಕಾರರು ಆಕ್ರೋಶ ವ್ಯಕ್ತಪಡಿಸಿದರು.
ಸ್ಥಳದಲ್ಲಿ ಕಾಂಗ್ರೆಸ್ ಸರ್ಕಾರದ ವಿರುದ್ಧ ಘೋಷಣೆಗಳನ್ನು ಕೂಗಿದ ಬಿಜೆಪಿ ಕಾರ್ಯಕರ್ತರು, “ಮೊದಲು ಗುಂಡಿ ಮುಚ್ಚಿ. ನಂತರ ಅಭಿವೃದ್ಧಿಯ ಮಾತಾಡಿ” ಎಂದು ಸರ್ಕಾರಕ್ಕೆ ಒತ್ತಾಯಿಸಿದರು.
ಜನರ ಓಡಾಟಕ್ಕೆ ನಿರ್ಮಿಸಿರುವ ರಸ್ತೆಗಳು ಈ ಸ್ಥಿತಿಗೆ ತಲುಪಿರುವುದು ಆಡಳಿತ ವ್ಯವಸ್ಥೆಯ ನಿರ್ಲಕ್ಷ್ಯಕ್ಕೆ ಸಾಕ್ಷಿ ಎಂದು ಆರೋಪಿಸಿದ ಬಿಜೆಪಿ ಮುಖಂ ಡರು, ಕೂಡಲೇ ರಸ್ತೆ ಗುಂಡಿಗಳನ್ನು ಮುಚ್ಚಿ ಗುಣಮಟ್ಟದ ದುರಸ್ತಿ ಕಾಮಗಾರಿ ಕೈಗೊಳ್ಳಬೇಕು ಎಂದು ಆಗ್ರಹಿಸಿದರು. ಇನ್ನೊಂದು ವಾರದ ಒಳಗೆ ರಸ್ತೆ
ಕಾಮಗಾರಿ ಕೈಗೆತ್ತಿಕೊಳ್ಳದಿದ್ದರೆ ಮೂಡಿಗೆರೆ ಶಾಸಕರಾದ ನಯನ ಮೋಟಮ್ಮ ಅವರ ಮನೆಯವರಿಗೆ ಪಾದಯಾತ್ರೆ ಮಾಡಲಾಗುವುದು ಎಂದು ಎಚ್ಚರಿಸಿದರು.
ರಸ್ತೆಯಲ್ಲಿ ಮೀನು ಹಿಡಿದ ಈ ಪ್ರತಿಭಟನೆ ಇದೀಗ ಗೋಣಿಬೀಡಿನಲ್ಲಿ ಮಾತ್ರವಲ್ಲ, ಸಾಮಾಜಿಕ ಜಾಲತಾಣ ದಲ್ಲೂ ಹರಿದಾಡಿ ಸುದ್ದಿ ಮಾಡುತ್ತಿದೆ.
ಈ ಪ್ರತಿಭಟನೆಯಲ್ಲಿ ಬಿಜೆಪಿ ಜಿಲ್ಲಾ ಕಾರ್ಯದರ್ಶಿ ಜೆ ಎಸ್ ರಘು, ಮುಖಂಡರಾದ ದೀಪಕ್ ದೊಡ್ಡಯ್ಯ, ಮಂಡಲ ಉಪಾಧ್ಯಕ್ಷ ಸುನಿಲ್ ನೀಡುಗೂಡು, ಜೆಡಿಎಸ್ ಹೋಬಳಿ ಅಧ್ಯಕ್ಷ ಪ್ರಹ್ಲಾದ್ ಜನ್ನಾಪುರ,
ಕಾರ್ಯದರ್ಶಿ ಆದರ್ಶ್ ಕನ್ನೇಹಳ್ಳಿ, ಲ್ಯಾಪ್ಸ್ ಮಾಜಿ ಅಧ್ಯಕ್ಷ ಮುತ್ತಪ್ಪ ಕಿರುಗುಂದ ಪ್ರಶಾಂತ್ ಬಿಳುಗುಳ, ಅವಿನಾಶ್, ಸುನಿಲ್ ಮಣ್ಣಿಕೆರೆ, ಪ್ರಕಾಶ್ ಕಿರುಗುಂದ, ವೆಂಕಟೇಶ್, ಗಜೇಂದ್ರ.. ಸಚ್ಚಿನ್ ಉದುಸೆ, ಸುರೇಶ್ ಯು ಎಸ್.ಸಂದೀಪ್ ಕೇಲ್ಲೂರ್, ವಿಭಾಸುಷ್ಮಾ, ಚಿರಾಗ್, ರಂಜಿತ್ ಕುಮಾರ್, ನಯನ ಏನ್ ಕೆ, ಸಂತೋಷ್, ಒಬಿಸಿ ಮೋರ್ಚಾ ಪ್ರದಾನ ಕಾರ್ಯದರ್ಶಿ ಗಿರೀಶ್, ಭರತ್, ರಾಜು ಮತ್ತು ಎಲ್ಲ ಬಿಜೆಪಿ ಬೂತ್ ಅಧ್ಯಕ್ಷರು, ಮುಖಂಡರು ಮತ್ತು ಕಾರ್ಯಕರ್ತ ಬಂಧುಗಳು ಉಪಸ್ಥಿತರಿದ್ದರು.
About Author
