2.45 ಕೋಟಿ ರೂ ವೆಚ್ಚದಲ್ಲಿ 49 ಕಡೆ ಹೈಮಾಸ್ಕ್ ಲೈಟ್ ಅಳವಡಿಕೆಗೆ ಚಾಲನೆ..
1 min read
2.45 ಕೋಟಿ ರೂ ವೆಚ್ಚದಲ್ಲಿ 49 ಕಡೆ ಹೈಮಾಸ್ಕ್ ಲೈಟ್ ಅಳವಡಿಕೆಗೆ ಚಾಲನೆ
ಮೂಡಿಗೆರೆ: 2.45 ಕೋಟಿ ರೂ ವೆಚ್ಚದಲ್ಲಿ ಮೂಡಿಗೆರೆ ವಿಧಾನಸಭೆ ಕ್ಷೇತ್ರ ವ್ಯಾಪ್ತಿಯ 49 ಗ್ರಾ.ಪಂ. ವ್ಯಾಪ್ತಿಯಲ್ಲಿ ಹೈಮಾಸ್ಕ್ ಲೈಟ್ ಅಳವಡಿಕೆಗೆ ಮಂಗಳವಾರ ಪಟ್ಟಣದ ಎಂಜಿಎಂ ಆಸ್ಪತ್ರೆ ಆವರಣದಲ್ಲಿ ಶಾಸಕಿ ನಯನಾ ಮೋಟಮ್ಮ ಗುದ್ದಲಿ ಪೂಜೆ ನೆರವೇರಿಸಿದರು.
ಈ ಸಂದರ್ಭದಲ್ಲಿ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ತನ್ನ ಕ್ಷೇತ್ರದ 49 ಗ್ರಾ.ಪಂ. ವ್ಯಾಪ್ತಿಯ ಜನರು ಹೈಮಾಸ್ಕ್ ಲೈಟ್ ನಿರ್ಮಿಸಿಕೊಡುವಂತೆ ಬೇಡಿಕೆ ಇಟ್ಟಿದ್ದರು. ಹಾಗಾಗಿ ಮುಖ್ಯಮಂತ್ರಿ ವಿಶೇಷ ಅನುದಾನದಡಿ 2.45 ಕೋಟಿ ರೂ ಮೀಸಲಿಟ್ಟು, ಎಲ್ಲಾ ಗ್ರಾ.ಪಂ. ವ್ಯಾಪ್ತಿಯಲ್ಲಿ ಹೈಮಾಸ್ಕ್ ಲೈಟಿಗೆ ಚಾಲನೆ ನೀಡಲಾಗಿದೆ ಎಂದು ಹೇಳಿದರು.
ಎಂಜಿಎಂ ಆಸ್ಪತ್ರೆಯಲ್ಲಿ ಕೊರತೆಯಿದ್ದ ಇಎನ್ಟಿ ವೈದ್ಯರನ್ನು ನೇಮಿಸಲಾಗಿದೆ. ಶಸ್ತ್ರ ಚಿಕಿತ್ಸಾ, ಮೋಳೆ ಹಾಗೂ ಅರವಳಿಕೆ ವೈದ್ಯರಿಲ್ಲದೇ ಜನರು ಪರಿದಾಡುತ್ತಿರುವುದು ಗಮನಕ್ಕೆ ಬಂದಿದೆ. ಈ ಅಧಿವೇಶನದಲ್ಲಿ ಪ್ರಸ್ತಾಪ ಮಾಡುವ ಜೊತೆಗೆ ಚುಕ್ಕೆ ಗುರುತಿನ ಪ್ರಶ್ನೆ ಮೂಲಕ ಸರಕಾರದ ಗಮನ ಸೆಳೆದು ವೈದ್ಯರನ್ನು ನೇಮಿಸಲು ಶ್ರಮಿಸಲಾಗುವುದೆಂದು ಭರವಸೆ ನೀಡಿದರು. ತಾಲೂಕು ಆರೋಗ್ಯಾಧಿಕಾರಿ ಡಾ.ಹರೀಶ್ ಬಾಬು,
ಎಂಜಿಎಂ ಆಸ್ಪತ್ರೆಯ ಆಡಳಿತ ವೈದ್ಯಾದಿಕಾರಿ .ಡಾ.ಪ್ರಿಯಾಂಕ, ಮುಖಂಡರಾದ ಕುನ್ನಳ್ಳಿ ರವಿ, ಸಿ.ಬಿ.ಶಂಕರ್, ರಘು ಮಗ್ಗಲಮಕ್ಕಿ, ರಮೇಶ್ ಹೊಸ್ಕೆರೆ, ಚಂದ್ರು ಓಡೆಯಾರ್, ಹರೀಶ್ ಸಬ್ಬೇನಹಳ್ಳಿ, ಸಂಪತ್ ಬಿಳಗುಳ, ಬಿ.ಎಸ್.ಲವ,ಎಚ್.ಎಂ.ಜಗದೀಶ್.ಮತ್ತಿತರಿದ್ದರು.
About Author
