ಸಹಕಾರ ಕ್ಷೇತ್ರದ ದಿಗ್ಗಜ ಶ್ರೀ ಜಿ ಕೆ ಮಂಜಪ್ಪಯ್ಯ ಅವರಿಗೆ ಕರ್ನಾಟಕ ಸಹಕಾರ ಶಿರೋಮಣಿ 2025 ಪ್ರಶಸ್ತಿ*…@
1 min read
*ಸಹಕಾರ ಕ್ಷೇತ್ರದ ದಿಗ್ಗಜ ಶ್ರೀ ಜಿ ಕೆ ಮಂಜಪ್ಪಯ್ಯ ಅವರಿಗೆ ಕರ್ನಾಟಕ ಸಹಕಾರ ಶಿರೋಮಣಿ 2025 ಪ್ರಶಸ್ತಿ*
ಸಹಕಾರ ರಂಗದಲ್ಲಿ ನಿಸ್ವಾರ್ಥ ಸೇವೆ, ಪಾರದರ್ಶಕ ಆಡಳಿತ ಮತ್ತು ರೈತಕೇಂದ್ರಿತ ಚಿಂತನೆಯ ಮೂಲಕ ಗಮನಾರ್ಹ ಸಾಧನೆ ಮಾಡಿರುವ ಕಳಸದ ಪ್ರಾಥಮಿಕ ಕೃಷಿ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷರಾದ ಶ್ರೀ ಜಿ.ಕೆ. ಮಂಜಪ್ಪಯ್ಯ ಅವರಿಗೆ ಕರ್ನಾಟಕ ಸಹಕಾರ ಶಿರೋಮಣಿ 2025 ಎಂಬ ಪ್ರತಿಷ್ಠಿತ ಪ್ರಶಸ್ತಿ ಲಭಿಸಲಿರುವುದು ಸಹಕಾರ ಕ್ಷೇತ್ರಕ್ಕೆ ದೊರೆಯುವ ಗೌರವವೇ ಆಗಿದೆ.
ಕನ್ನಡಪ್ರಭ ದಿನಪತ್ರಿಕೆ ಮತ್ತು ಏಷ್ಯಾನೆಟ್ ಸುವರ್ಣ ನ್ಯೂಸ್ ಸಂಸ್ಥೆಗಳ ವತಿಯಿಂದ ಸಮಾಜದ ವಿವಿಧ ಕ್ಷೇತ್ರಗಳಲ್ಲಿನ ಶ್ರೇಷ್ಠ ಸಾಧಕರನ್ನು ಗುರುತಿಸುವ ಉದ್ದೇಶದಿಂದ ನೀಡಲಾಗುವ ಈ ಪ್ರಶಸ್ತಿ, ಸಹಕಾರ ಚಳವಳಿಗೆ ಹೊಸ ಶಕ್ತಿ ಮತ್ತು ದಿಕ್ಕು ನೀಡುವಂತಿದೆ.
ರೈತರ ಬದುಕು ಸುಧಾರಣೆಗೆ ಬದ್ಧತೆಯೊಂದಿಗೆ ಸಹಕಾರ ಸಂಘವನ್ನು ಬಲಿಷ್ಠಗೊಳಿಸಿದ ಶ್ರೀ ಮಂಜಪ್ಪಯ್ಯ ಅವರ ನಾಯಕತ್ವ, ಇಂದು ರಾಜ್ಯಮಟ್ಟದ ಮಾನ್ಯತೆಗೆ ಪಾತ್ರವಾಗಿರುವುದು ಹೆಮ್ಮೆಯ ಸಂಗತಿ. ಈ ಗೌರವವು ಅವರ ಪರಿಶ್ರಮಕ್ಕೆ ದೊರೆತ ಸಾರ್ಥಕ ಫಲವಾಗಿದ್ದು, ಮುಂದಿನ ದಿನಗಳಲ್ಲಿ ಸಹಕಾರ ಕ್ಷೇತ್ರಕ್ಕೆ ಇನ್ನಷ್ಟು ಪ್ರೇರಣೆಯಾಗಲಿದೆ.
ಶ್ರೀ ಜಿ.ಕೆ. ಮಂಜಪ್ಪಯ್ಯ ಅವರಿಗೆ ಹಾರ್ದಿಕ ಅಭಿನಂದನೆಗಳು. ಇವರ ಸೇವೆ ಹಾಗೂ ಸಾಧನೆಗಳು ಮುಂದಿನ ಪೀಳಿಗೆಗೆ ದಾರಿದೀಪವಾಗಲಿ ಎಂದು ಹಾರೈಸುತ್ತೇನೆ.
ಸುಧಾಕರ್ ಎಸ್ ಶೆಟ್ಟಿ
ರಾಜ್ಯ ಉಪಾಧ್ಯಕ್ಷರು
ಜೆಡಿಎಸ್ ಪಕ್ಷ
About Author
